ಗತ ಸಹಸ್ರಮಾನದಿಂದ ಬಂದ ವೈದಿಕ ಗಣಿತದ ಒಂದು ಸೂತ್ರವನ್ನು ನಮ್ಮ ಸೂರ್ಯಸಿದ್ದಾಂತ ಪಂಚಾಂಗ ಗಣಿತದ ಗುರುಗಳಾದ ವಿನಯ್ ಝಾ ಅವರ ಗುರುಗಳು ಕಲಿಸಿದ್ದರು.
(18000 × 18000 × 2) ÷
[(1010101 × 65) − {(365 × (6÷5))}]
= π²
ಅಥವಾ
20000 × (180 ÷ π)² = [(1010101 × 65) − {(365 × (6÷5))}]
ಅಥವಾ
20000 × ತ್ರಿಜ್ಯ² = [(1010101 × 65) − {(365 × (6÷5))}]
ಈ π² ನ ವರ್ಗಮೂಲವು π = 3.14159265359 ಆಗಿದೆ. ಹನ್ನೆರಡು ಅಂಕೆಗಳವರೆಗೆ ಇದು π ನ ಶುದ್ಧ ಮೌಲ್ಯವಾಗಿದೆ.
ಮೇಲಿನ ಅದ್ಭುತ ಗಣಿತದಲ್ಲಿ ಆರು-ಐದರ ಕಮಲ ಕಾಣುತ್ತದೆ. ಕೆಲವೊಮ್ಮೆ ಮೂರರ ಮೇಲೆ ಆರು-ಐದು, ಕೆಲವೊಮ್ಮೆ ಆರರ ಮೇಲೆ ಐದು, ಮತ್ತು ಕೆಲವೊಮ್ಮೆ ಆರು ಭಾಗಿಸಿ ಐದು. ಕಲಿಯುಗದಲ್ಲಿ ಗಣಿತದಿಂದ ತಲೆನೋವು ಹೊಂದಿದವರು ಒಂದು ಗಾದೆ ಮಾಡಿದ್ದಾರೆ — "ಆರೈದು ಮಾಡೆ ಹೊಡೆತ!"
ಮೇಲಿನ ಸೂತ್ರದಲ್ಲಿ (180 ÷ π) ಎಂಬುದನ್ನು ಒಂದು ತ್ರಿಜ್ಯ ರೇಡಿಯನ್ ಎಂದು ಕರೆಯಲಾಗುತ್ತದೆ.
ಸೂರ್ಯಸಿದ್ಧಾಂತದಲ್ಲಿ ಜ್ಯಾಪಿಂಡಸಾಧನದ ಸಾರಣಿಯನ್ನು ಋಗ್ವೇದದ ಶಾಕಲ ಶಾಖೆಯ ಸಂಕಲನಕರ್ತ ಶಾಕಲ ಋಷಿಯ ಕೂಟ ಪದ್ಧತಿಯಿಂದ ರಚಿಸಲಾಗಿದೆ. ಇದನ್ನು ಇಂಗ್ಲಿಷರು ಗ್ರೀಕರು ತಾವು ಕಂಡುಹಿಡಿದದ್ದು ಎಂದು ಹೇಳಿದರು. ಜ್ಯಾಪಿಂಡದಿಂದ ಜ್ಯಾ (sine) ನ ಮೌಲ್ಯವನ್ನು ಕಂಡುಹಿಡಿಯಲಾಗುತ್ತದೆ. ಧನುಸ್ಸಿನ ವಕ್ರ ಆಕೃತಿಯನ್ನು ಚಾಪ ಎಂದು ಕರೆಯಲಾಗುತ್ತದೆ ಮತ್ತು ಅದರ ನೇರ ದಾರವನ್ನು ಸಾಹಿತ್ಯದಲ್ಲಿ ಜ್ಯಾ ಎಂದು ಕರೆಯಲಾಗುತ್ತದೆ. ಯಾವುದೇ ವೃತ್ತದ ಪರಿಧಿಯನ್ನು 96 ಭಾಗಗಳಾಗಿ ವಿಂಗಡಿಸಿದರೆ, ಒಂದು ಭಾಗದ ಚಾಪದಲ್ಲಿ ರಚನೆಯಾಗುವ ಜ್ಯಾ ಕೇಂದ್ರದಿಂದ 3.75 ಡಿಗ್ರಿ ಅಥವಾ 225 ಕಲಾ ಕೋನವನ್ನು ರಚಿಸುತ್ತದೆ. ಈ ರೀತಿಯ ಕೋನಾತ್ಮಕ ವ್ಯತ್ಯಾಸಗಳ sine ನ ಸಂಪೂರ್ಣ ಸಾರಣಿಯನ್ನು ಜ್ಯಾಪಿಂಡಸಾರಣಿ ಎಂದು ಕರೆಯಲಾಗುತ್ತದೆ. ವೃತ್ತದ 96 ಕ್ಕಿಂತ ಹೆಚ್ಚು ಅಥವಾ ಕಡಿಮೆ ಭಾಗಗಳನ್ನು ಮಾಡಿದರೆ, ಸೂರ್ಯಸಿದ್ಧಾಂತದ ಸುಗಮ ವಿಧಾನದಿಂದ sine ನ ಸಾರಣಿಯನ್ನು ರಚಿಸಲು ಸಾಧ್ಯವಿಲ್ಲ. ಚಕ್ರದ 96 ಅಥವಾ ಒಂದು ಪಾದ (90 ಡಿಗ್ರಿ) ನ 24 ಭಾಗಗಳನ್ನು ಮಾಡಿ sine ಅನ್ನು ಕಂಡುಹಿಡಿಯುವ ಈ ಅದ್ಭುತ ಸರಳ ವಿಧಾನದ ಆವಿಷ್ಕಾರಕ ಋಗ್ವೇದದ ಋಷಿ ಶಾಕಲರ ಹೆಸರಿನಲ್ಲಿ ಸೂರ್ಯಸಿದ್ಧಾಂತದಲ್ಲಿ "ಶಾಕಲ್ಯ" ವಿಧಾನ ಎಂದು ಕರೆಯಲಾಗಿದೆ.
ಗಾಯತ್ರಿಯಲ್ಲಿ 24 ಪದಗಳಿವೆ. ಆದ್ದರಿಂದ, ಒಂದು ಪಾದದಿಂದ (90 ಡಿಗ್ರಿ) 24 ಪದಗಳಾಗಿವೆ. ಒಂದು ಪದದ ಕೋನಾತ್ಮಕ ಮೌಲ್ಯ 3.75 ಡಿಗ್ರಿ ಅಥವಾ 225 ಕಲಾ ಆಗಿರುತ್ತದೆ. ಇದರ sine ಅನ್ನು ರೇಡಿಯನ್ ನ ಕಲಾತ್ಮಕ ಮೌಲ್ಯ ಅಥವಾ ರೇಡಿಯನ್ ನ 60ನೇ ಡಿಗ್ರಿಯಲ್ಲಿ ಬರೆಯಲಾಗಿದೆ:
sine(3.75 ಡಿಗ್ರಿ) = sine(225 ಕಲಾ) = 0.06540313 = 224.84 ಜ್ಯಾಪಿಂಡ
ಇದನ್ನು 225 ಎಂದು ಬರೆಯಬಹುದು. ಅಂದರೆ, 225 ಕಲಾ ಕೋನದ ಜ್ಯಾಪಿಂಡ 225 ಜ್ಯಾಪಿಂಡ ಆಗಿರುತ್ತದೆ!
ಮೇಲಿನ ಫಲಿತಾಂಶ 0.06540313 ಅನ್ನು ತ್ರಿಜ್ಯ (3438) ನಿಂದ ಗುಣಿಸಿದರೆ, ಜ್ಯಾಪಿಂಡ 224.84 ಪ್ರಾಪ್ತವಾಗುತ್ತದೆ. ತ್ರಿಜ್ಯದ ಮೌಲ್ಯ (180 ÷ π) = 57.2957795130823 ಡಿಗ್ರಿ ಅಥವಾ 3437.746770785 ಕಲಾ ಆಗಿದೆ. ಇದನ್ನು ಸೂರ್ಯಸಿದ್ಧಾಂತದಲ್ಲಿ 3438 ಕಲಾ ಎಂದು ಬರೆಯಲಾಗಿದೆ. ಅಂದರೆ, 1 ರೇಡಿಯನ್ 57.3 ಡಿಗ್ರಿಗೆ ಬದಲಾಗಿ 3438 ಕಲಾ ಎಂದು ಬರೆಯಬಹುದು. ವೃತ್ತದ ಪರಿಧಿಯನ್ನು π ನಿಂದ ಭಾಗಿಸಿದರೆ, ಪರಿಧಿಯ ಸ್ಥೂಲ ತೃತೀಯ ಭಾಗ ತ್ರಿ + ಜ್ಯಾ ಅಥವಾ 1 ರೇಡಿಯನ್ ಕೋನವನ್ನು ಕೇಂದ್ರದಲ್ಲಿ ರಚಿಸುತ್ತದೆ. ತ್ರಿಜ್ಯ ವ್ಯಾಸಾರ್ಧವಲ್ಲ, ಬದಲಾಗಿ ಪರಿಧಿಯ ವ್ಯಾಸಾರ್ಧಕ್ಕೆ ಸಮಾನವಾದ ಚಾಪದಿಂದ ಕೇಂದ್ರದಲ್ಲಿ ರಚನೆಯಾಗುವ ಕೋನವಾಗಿದೆ.
ವೃತ್ತಪಾದದ 24ನೇ ಭಾಗಗಳನ್ನು ಮಾಡಿದರೆ, ಜ್ಯಾಪಿಂಡದ ಮೌಲ್ಯವು ಕೋನದ ಮೌಲ್ಯಕ್ಕೆ ಸಮಾನವಾಗಿರುತ್ತದೆ. ಯಾವುದೇ ತಲೆನೋವಿನ ಅಗತ್ಯವಿಲ್ಲ. ಆದರೂ, ಅರಬ್ ಜ್ಯೋತಿಷಿ ಹಿಲ್ಲಾಜ್ ನ ಶಿಷ್ಯ ಗಣೇಶ ಅದೈವಜ್ಞ 1518 ಇಸವಿಯಲ್ಲಿಹೇಳಿದ್ದಾರೆ, "ಅವರು ಗಣಿತದಿಂದ ಜ್ಯಾವನ್ನು ಹೊರಹಾಕಿದ್ದಾರೆ!" ಅಲ್ಲಿಂದಲೇ ಭಾರತೀಯ ಜ್ಯೋತಿಷದ ನಾಶ ಪ್ರಾರಂಭವಾಯಿತು.
ಆಧುನಿಕ ಉನ್ನತ ಗಣಿತ ಮತ್ತು ಆಧುನಿಕ ಭೌತಶಾಸ್ತ್ರವು ಈ ಪದ್ಧತಿಯನ್ನು ಆಧರಿಸಿದೆ. ಇದರ ಆವಿಷ್ಕಾರವನ್ನು ಶಾಕಲ ಋಷಿಗಳು ಮಾಡಿದ್ದಾರೆ ಮತ್ತು ಇದರ ಮೇಲೆ ಸೂರ್ಯಸಿದ್ಧಾಂತವು ಅವಲಂಬಿತವಾಗಿದೆ. ಆದ್ದರಿಂದ, ಇಂಗ್ಲಿಷರು ಹೇಳಿದರು, "ಈ ವಿಧಾನದ ಆವಿಷ್ಕಾರವನ್ನು ಪ್ರಾಚೀನ ಗ್ರೀಕರು ಮಾಡಿದ್ದಾರೆ." ಮತ್ತು ಭಾರತೀಯರನ್ನು ಮೂರ್ಖರನ್ನಾಗಿ ಮಾಡಲು ಮ್ಯಾಕಾಲೆಪುತ್ರರು "ತ್ರಿಜ್ಯ" ದ ಪ್ರಾಚೀನ ಅರ್ಥವನ್ನು ಬದಲಾಯಿಸಿ ಅದನ್ನು ವ್ಯಾಸಾರ್ಧವನ್ನಾಗಿ ಮಾಡಿದರು. ಇಂದಿನ ಗಣಿತದ ಹಿಂದಿ ಪಠ್ಯಪುಸ್ತಕಗಳಲ್ಲಿ ತ್ರಿಜ್ಯದ ಈ ತಪ್ಪು ಅರ್ಥವನ್ನು ಕಲಿಸಲಾಗುತ್ತಿದೆ. ಪಠ್ಯಪುಸ್ತಕಗಳ ಲೇಖಕರಿಗೆ ಭಾರತೀಯ ಗಣಿತದ ಯಾವುದೇ ಜ್ಞಾನವಿಲ್ಲ. ಅವರು ಕೆಲವು ಸಂಸ್ಕೃತ ಪದಗಳನ್ನು ಶಬ್ದಕೋಶಗಳಿಂದ ತೆಗೆದುಕೊಂಡು ಮ್ಯಾಕಾಲೆವಾದಿ IAS ಲಾಬಿಯ ನಿರ್ದೇಶನದಂತೆ ಕಸಬರಿಕೆಯನ್ನು ಜಾಡಿಸುವಂತೆ ಬರೆಯುತ್ತಾರೆ.
ತ್ರಿಜ್ಯದ ಭ್ರಾಮಕ ಅರ್ಥವನ್ನು ಅಜ್ಞಾನದಿಂದ ಮಾಡಲಾಗಿಲ್ಲ. ಆಧುನಿಕ ಉನ್ನತ ಗಣಿತವು ರೇಡಿಯನ್ (ತ್ರಿಜ್ಯ) ಇಲ್ಲದೆ ಕುಂಟಾಗುತ್ತದೆ. ಕ್ಯಾಲ್ಕುಲಸ್ ನ ಹೆಚ್ಚಿನ ಸೂತ್ರಗಳಲ್ಲಿ ಡಿಗ್ರಿಗೆ ಬದಲಾಗಿ ರೇಡಿಯನ್ ಅನ್ನು ಇರಿಸಿದರೆ ಮಾತ್ರ ಸೂತ್ರಗಳು ಕಾರ್ಯರೂಪಕ್ಕೆ ಬರುತ್ತವೆ. ಭೌತಶಾಸ್ತ್ರದಲ್ಲೂ ಇದೇ ಸ್ಥಿತಿ. ಆದ್ದರಿಂದ, ಸೂರ್ಯಸಿದ್ಧಾಂತಕ್ಕೆ ಯುರೋಪಿಯನ್ನರ ವಿರೋಧ ಸ್ವಾಭಾವಿಕವೇ ಆಗಿದೆ. ಅವರಿಗೆ ಸಹಿಸಲು ಸಾಧ್ಯವಿಲ್ಲ, "ಕಪ್ಪು ಚರ್ಮದ ಭಾರತೀಯರಿಗೆ ಗಣಿತದ ಜ್ಞಾನವಿತ್ತು, ಅಲ್ಲಿಂದ ಬಿಳಿಮುಖರ ಮೂರ್ಖ ಪೂರ್ವಜರು ಗಣಿತವನ್ನು ಕಲಿತರು." ಈಗ ಅವರು ಗುರುವನ್ನು ಹೀಗಳೆಯುತ್ತಾರೆ. ಇದನ್ನು ಪ್ರಜ್ಞಾಪರಾಧ ಎಂದು ಕರೆಯಲಾಗುತ್ತದೆ. ಇದರ ಏಕೈಕ ಪ್ರಾಯಶ್ಚಿತ್ತವೆಂದರೆ ಆತ್ಮದಹ, ಅದನ್ನು ಅವರು ಮಾಡಲು ಸಾಧ್ಯವಿಲ್ಲ.
π ನ ಮೇಲಿನ 12 ಅಂಕೆಗಳಿಗಿಂತ ಹೆಚ್ಚು ಶುದ್ಧ ಮೌಲ್ಯ ಬೇಕಾದರೆ, ಮೇಲಿನ 65656127 ಗೆ ಒಂದು ಸೂಕ್ಷ್ಮ ಸಂಖ್ಯೆ "1÷ಕ" ಅನ್ನು ಸೇರಿಸಿ ಮತ್ತು ಮೇಲಿನ ಸೂತ್ರದಿಂದ π ನ ಮೌಲ್ಯವನ್ನು ಕಂಡುಹಿಡಿಯಿರಿ. ಇಲ್ಲಿ "ಕ" ನ ಮೌಲ್ಯ ಹೀಗಿರಬೇಕು:
ಕ = (10000000 ÷ 6)² ÷ (20000 × 180²)
ಆಗ π ನ ಶುದ್ಧತೆಯು ನೂರು ಪಟ್ಟು ಹೆಚ್ಚಾಗುತ್ತದೆ.
ವೇದದ ಜ್ಞಾನವು ಅನಂತವಾಗಿದೆ. ಆದ್ದರಿಂದ, ವೈದಿಕ ಗಣಿತವೂ ಅನಂತವಾಗಿದೆ. ವೈದಿಕ ಗಣಿತವು ಅಲಿಖಿತವಾಗಿದೆ. ಇದರ ಸ್ವಲ್ಪ ಭಾಗವು ಲಿಖಿತವಾಗಿದ್ದರೂ, ಅದರ ತಪ್ಪು ವ್ಯಾಖ್ಯಾನಗಳನ್ನು ಉದ್ದೇಶಪೂರ್ವಕವಾಗಿ ಪ್ರಚಾರ ಮಾಡಲಾಗುತ್ತದೆ.
✍️ ಹಿಂದಿಯಲ್ಲಿ ಪಂಚಾಂಗ ಗಣಿತದ ಆಚಾರ್ಯ ವಿನಯ್ ಝಾ. ಕನ್ನಡಕ್ಕೆ ತರ್ಜುಮೆ ಅಭಿಯಂತರ ಹೇಮಂತ್ ಕುಮಾರ್ ಜಿ
Comments